საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ 5 აპრილის სხდომაზე მოქალაქეთა დავები განიხილა და ყველა მათგანი აბონენტების სასარგებლოდ გადაწყვიტა. კერძოდ, კომისიამ განიხილა დავები მოქალაქეებსა და შპს "ყაზტრანსგაზ-თბილისს" შორის და თამარ ნიორაძეს ჩამოაწერა 180.41 ლარი; ჯონდო კერესელიძეს - 406.56 ლარი; ნინო ციცაგს - 617.76 ლარი; ნინო სუხიაშვილ-ისმაილს - 669.70 ლარი; ხოლო კახა კოროშინაძეს - 524.82 ლარი. რაც შეეხება მადონა ჯოხარიძესა და შპს "ყაზტრანსგაზ-თბილისს" შორის არსებულ დავას, კომისიამ გადაწყვიტა, რომ კომპანიის მიერ აბონენტზე დარიცხული თანხა დაკორექტირდეს და რამდენიმე თვეზე გადანაწილდეს.
კომისიამ განიხილა დავა ინდ. მეწარმე "ალექსანდრე კაკაურიძესა" და "საქართველოს გართიანებული წყალმომარაგების კომპანიას შორის" და ინდ. მეწარმეს 220,11 ლარი ჩამოაწერა. რაც შეეხება მოქალაქე ალექსანდრე ილურიძესა და შპს "ჯორჯიან უოთერ ენდ ფაუერს" შორის არსებულ დავას, კომისიამ მოქალაქის საჩივარი დააკმაყოფილა. თანხის დაკორექტირების შესახებ მიიღო გადაწყვეტილება კომისიამ "საქართველოს პროფესიონალ ბუღალტერთა და აუდიტორთა ფედერაციის გორის ფილიალსა" და შპს "საქართველოს გაერთიანებული წყალმომარაგების კომპანიას" შორის არსებულ დავასთან დაკავშირებითაც.
