ახმეტის სასამართლოს მოსამართლე ლაბაზა დუიშვილმა კოალიცია „ქართული ოცნების" ახმეტის შტაბის უფროსი ზაქარია ქინქლაძე ადმინისტრაციულ სამართალდამრღვევად სცნო და 200 ლარით დააჯარიმა.
ახმეტის მუნიციპალიტეტის გამგეობის ზედამხედველობის სამსახურის უფროსმა ზაქარია ქინქლაძის წინააღმდეგ ადმინისტრაციული სამართალდარღვევის ოქმი 26 მარტს შეადგინა და ის ქალაქის დაბინძურებაში დაადანაშაულა.
ზაქარია ქინქლაძის თქმით, „ქართული ოცნების" რაიონული შტაბის ოფისში სარემონტო სამუშაოების დასრულების შემდეგ, რამდენიმე ტომარაში მოთავსებული ნარჩენები ნაგვის ურნასთან დააწყო, რომ მანქანას გაეტანა, რაც ზედამხდეველობის სამსახურმა ქალაქის დანაგვიანებად მიიჩნია.
