კომპანია ჯიპიაი ჰოლდინგი 2011 წლის რჩეულ ბრენდად აღიარეს. 2012 წლის 4 აპრილს, რჩეული ბრენდების დაჯილდოვების ყოველწლიური, მეშვიდე ცერემოინია კომპანია Global Idea, გაზეთი The FINANCIAL, თბილისის მერიის, საქართველოს სავაჭრო-სამრეწველო პალატის და ამერიკის სავაჭრო პალატის მხარდაჭერით სასტუმრო „რადისონ ბლუ ივერია"-ში გაიმართა. ბრენდის, სავაჭრო ნიშნის ცნობადობას და მისი პოპულარიზაციისთვის განხორციელებულ პროექტებს 200-მდე ექსპერტი აფასებდა. ოქროს ბრენდი ავლენს და აჯილდოვებს იმ კომპანიებს, რომლებმაც ბრენდინგულ საქმიანობაში განსაკუთრებულ წარმატებებს მიაღწიეს.
აღსანიშნავია, რომ ჯიპიაი ჰოლდინგი ოქროს ბრენდის ბიზნეს ნომინაციის მფლობელი მეორედ გახდა.
"ჯიპიაი ჰოლდინგის" შესახებ: "ჯიპიაი ჰოლდინგი" დაარსდა 2001 წელს, როგორც პირველი კერძო საპენსიო ფონდი საქართველოში. კომპანიის პრიორიტეტია ქვეყანაში სოციალური დაზღვევის განვითარება. უკვე რამდენიმე წელია დაზღვევის ამ სახეობებში, კერძოდ, საპენსიო და ჯანმრთელობის დაზღვევაში, "ჯიპიაი ჰოლდინგი" ბაზარზე ლიდერის პოზიციას ინარჩუნებს. "ჯიპიაი ჰოლდინგი" ევროპის ერთ-ერთი უმსხვილესი სადაზღვევო კომპანიის - "ვენის სადაზღვევო ჯგუფის" შვილობილი კომპანიაა.
"ვენის სადაზღვევო ჯგუფის" შესახებ: "ვენის სადაზღვევო ჯგუფი" ავსტრიის საფონდო ბირჟაზე უმაღლესი რეიტინგის მქონე კომპანიაა და ერთ-ერთ წამყვან სადაზღვევო ჯგუფს წარმოადგენს ცენტრალურ და აღმოსავლეთ ევროპაში. ავსტრიის გარდა "ვენის სადაზღვევო ჯგუფი" 50 კომპანიას ფლობს და მართავს ევროპის 23 ქვეყანაში. კომპანიის რეიტინგია A+ (Standart&poors).
საქართველოში "ვენის სადაზღვევო ჯგუფში" ორი კომპანია შედის - "ჯიპიაი ჰოლდინგი" და "ირაო". 2011 წელს "ვენის სადაზღვევო ჯგუფმა" ქვეყანაში ერთ-ერთი უმსხვილესი საინვესტიციო პროექტი განახორციელა და პირდაპირი უცხოური ინვესტიციის სახით 11 მილიონი ევრო მოიზიდა ორივე კომპანიისთვის. "ირაოსა" და "ჯიპიაი ჰოდლინგის" ადგილობრივ სახსრებთან ერთად, რამაც ჯამში 46 მილიონი ლარი შეადგინა, მოზიდული ინვესტიცია ჰოსპიტალური განვითარების პროექტს მოხმარდა. პროექტის ფარგლებში "ჯიპიაი ჰოლდინგმა" საქართველოს 10 რაიონში 10 საავადმყოფო ააშენა, ხოლო "ირაომ" - 6.
