ქუთაისის ავტოქარხანაში ხანძარი გაჩნდა. ცეცხლი ავტომექანიკური ქარხნის სახურავს მოედო.
ხანძრის დროს შენობაში გადახურვის სამუშაოები მიმდინარეობდა და ცეცხლი სპეციალურ გადასახურ მასალას გაუჩნდა.
ადგილზე საგანგებო სიტუაციების სამსახურის თანამშრომლები დროულად მივიდნენ და ცეცხლის ლიკვიდაცია მეხანძრეებმა რამდენიმე წუთში მოახერხეს.
დამწვარია მხოლოდ სახურავის რამდენიმე კვადრატული მეტრი. დაზიანებას გადაურჩა შენობა და მასში დამონტაჟებული სპეციალური ლითონგადამამუშავებელი დანადგარები.
