სუიციდის მორიგი შემთხვევა დაფიქსირდა დედოფლისწყაროში, 9 ძმის ქუჩაზე მცხოვრები 55 წლის მამაკაცი საკუთარ საცხოვრებელ სახლში თოკზე ჩამომხრჩვალი ნახეს.
„ქიზიყის" ინფორმაციით, მამაკაცი დედოფლისწყაროს მუნიციპალიტეტის დასუფთავებიის სამსახურში მეეზოვედ მუშაობდა. ერთ-ერთი ვერსიით, სამსახურის დაკარგვის შემდეგ მამაკაცს თავის რჩენა უჭირდა და თვითმკვლელობაც ამიტომ დაგეგმა.
გოჩა გოგილაშვილის ცხედარი ექსპერტიზის ჩასატარებლად ქალაქ გურჯაანში უკვე გადაასვენეს. ექსპერტიზის დასკვნა ერთ თვეში გახდება ცნობილი.
მომხდართან დაკავშირებით შს დედოფლისწყაროს პოლიციის სამმართველოში აღძრულია სისხლის სამართლის საქმე. მიმდინარეობს წინასწარი გამოძიება. მომხდართან დაკავშირებით პოლიციის სამმართველოში კომენტარს არ აკეთებენ.
შეგახსენებთ, 17 წლის ბიჭმა რამდენიმე დღის წინ სიცოცხლე თვითმკვლელობით დაასრულა სოფელ არხილოსკალოშიც.
