ხელისუფლების მიერ ერთჯერადი საბიუჯეტო პროგრამების ინიცირება სახელმწიფოსა და მმართველ პარტიას შორის ზღვარს შლის. ამის შესახებ ნათქვამია ახალგაზრდა იურისტთა ასოციაციის მიერ წინასაარჩევნო გარემოს მონიტორინგის ანგარიშში.
საია ყურადღებას ამახვილებს ერთჯერადი საბიუჯეტო პროგრამებზე და აღნიშნავს, რომ აღნიშნული არათანაბარ პირობებს ქმნის პოლიტიკური პარტიებისთვის.
"საარჩევნო წელს ხელისუფლების მიერ არაერთი მასშტაბური, ერთჯერადი საბიუჯეტო პროგრამის ინიცირება მოხდა, რომელიც მნიშვნელოვან საბიუჯეტო რესურსებს მოითხოვს, სულ უფრო და უფრო აფერმკრთალებს სახელმწიფოსა და მმართველ პარტიას შორის ზღვარს და არათანაბარ პირობებს ქმნის პოლიტიკური პარტიებისთვის", - აღნიშნავს საია.
ახალგაზრდა იურისტთა ასოციაცია მიიჩნევს, რომ მსგავსი პროგრამების განხორციელებით ხელი ეშლება თანაბარი წინასაარჩევნო გარემოს უზრუნველყოფას.
"მსგავსი პროგრამების განხორციელებით ხელი ეშლება საქართველოში სამართლიანი და პოლიტიკური გაერთიანებისთვის თანაბარი წინასაარჩევნო გარემოს უზრუნველყოფას და იქმნება წინასაარჩევნოდ ადმინისტრაციული რესურსის საარჩევნოდ გამოყენების რისკები", - აცხადებს საია.
