18-22 აპრილს VII საერთაშორისო ფესტივალი "აღდგომიდან ამაღლებამდე" ჩატარდება. ფესტივალი ეძღვნება სრულიად საქართველოს კათოლიკოს-პატრიარქის აღსაყდრებიდან 35წლისთავს. კონცერტები ვანო სარაჯიშვილის სახელობის სახელმწიფო კონსერვატორიის დიდ დარბაზში გაიმართება.
ფესტივალის სამხატვრო ხელმძღვანელია აშშ-ში მოღვაწე გამოჩენილი ქართველი პიანისტი ალექსანდრე კორსანტია.
თბილისის შემდეგ ფესტივალის საღამოები გაგრძელდება: სტეფანწმინდაში (2მაისი); მარტვილში (20 მაისი); ქუთაისში (22მაისი); ხოლო დასკვნითი საღამო ტრადიციულად ამაღლების დღესასწაულზე გაიმართება ბათუმში, სადაც 24 მაისს მუსიკალური ცენტრის ახალ საკონცერტო დარბაზში შედგება ცნობილი კომპოზიტორის იოსებ ბარდანაშვილის შემოქმედებითი საღამო.
აღსანიშნავია, რომ ფესტივალის თბილისის ნაწილის დასკვნით საღამოზე, კვირაცხოვლობის დღესასწაულზე შესრულდება სრულიად საქართველოს კათოლიკოს-პატრიარქის ახალი მუსიკალური ნაწარმოები "Aგნუს დაყ", რომელიც შექმნილია 2 სოლისტის, გუნდისა და ორკესტრისთვის.
შეგახსენებთ, რომ ფესტივალი "აღდგომიდან ამაღლებამდე" 2006 წელს სრულიად საქართველოს კათოლიკოს-პატრიარქის საერთაშორისო საქველმოქმედო ფონდმა მისი უწმინდესობის ლოცვა-კურთხევით დაარსა. დაარსებიდან მისი მუდმივი პარტნიორია თბილისის მერია.
