კონტროლის პალატის ბოლოდროინდელი ქმედებებმა მოქალაქეთა პოლიტიკური ნიშნით მასობრივი დევნის სახე შეიძინა. ამის შესახებ საია-ს მიერ წინასაარჩევნო პერიოდის მონიტორინგის ანგარიშშია აღნიშნული.
"ოპოზიციური პარტიების წევრთა და სავარაუდო მხარდამჭერთა ფართომასშტაბიანი დაბარება, რათა მათ პასუხი გაეცათ თავიანთი პოლიტიკური შეხედულებებისა და საქმიანობის შესახებ კითხვებისთვის, ქმნის გამოხატვისა და შეკრებების თავისუფლების დარღვევის რისკს", - აღნიშნულია მონიტორინგის ანგარიშში.
ანგარიშის მიხედვით კონტროლის პალატის თანამშრომლები ახსნა-განმარტების ჩამორთმევისას, დაბარებულ მოქალაქეებს არ აწვდიდნენ სრულყოფილ ინფორმაციას, თუ რაში მდგომარეობდა მათ მიერ კანონის დარღვევა.
საია აღნიშნავს, რომ კონტროლის პალატის წარმომადგენელთა ქმედებები შეიცავდა უფლებამოსილებათა გადამეტების ფაქტებს.
"კონტროლის პალატის მიერ განხორციელებული ქმედებები, გასცდა მანდატის ფარგლებს და მოქალაქეთა პოლიტიკური ნიშნით მასობრივი დევნის სახე შეიძინა", - აღნიშნავს საია.
შეგახსენებთ, რომ საია-მ კვლევა სამთვიანი პერიოდის განმავლობაში საქართველოს ოთხ ქალაქში - ბათუმში, ქუთაისში, გორსა და თბილისში ჩაატარა.
