საია-მ საარჩევნო გარემოს მონიტორინგის პერიოდში მოქალაქეთა სამსახურებიდან გათავისუფლების ფაქტები დააფიქსირა. ორგანიზაციის თამჯდომარის თამარ ჩუგოშვილმა ჩატარებულის განმარტებით კვლევის პერიოდში დაფიქსირებული მოქალაქეთა სამსახურებიდან გათავისუფლების ფაქტები, სავარაუდოდ, პოლიტიკური მოტივს უკავშირდება.
"ასეთ ფაქტებზე სათანადო გამოძიება არ დაწყებულა მაშინ, როცა პოლიტიკური ნიშნით ადამიანის დევნა სისხლის სამართლის დანაშაულს წარმოადგენს", - აცხადებს ჩუგოშვილი.
საია-ს თავმჯდომარე მიიჩნევს, რომ არჩევნების დემოკრატიულ გარემოში ჩასატარებლად აუცილებელია საარჩევნო კანონმდებლობაში გარკვეული ცვლილებების განხორციელება.
"განსაკუთრებით უნდა გამკაცრდეს მუხლი, რომ ადმინისტრაციული რესურსის გამოყენება საარჩევნო მიზნებისთვის არ მოხდეს", - განაცხადა ჩუგოშვილმა.
საია-მ კვლევა სამთვიანი პერიოდის განმავლობაში საქართველოს ოთხ ქალაქში - ბათუმში, ქუთაისში, გორსა და თბილისში ჩაატარა.
