18 მაისს საქართველო-უკრაინის ბიზნესფორუმი გაიმართება. ფორუმი საქართველოს და უკრაინის სავაჭრო-სამრეწველო პალატების ორგანიზებით გაიმართება.
როგორც საქართველოს სავაჭრო-სამრეწველო პალატაში განმარტავენ, ფორუმი კიევში 17-18 მაისს საქართველო-უკრაინის ეკონომიკური თანამშრომლობის სამთავრობათშორისი კომისიის სხდომის ფარგლებშია დაგეგმილი. ფორუმის მუშაობაში მონაწილეობას მიიღებენ სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში, ვიცე-პრემიერი გიორგი ბარამიძე, საქართველოს და უკრაინის მთავრობების წარმომადგენლები, ორი ქვეყნის სავაჭრო-სამრეწველო პალატების ხელმძღვანელები. ასევე, უკრაინის სავაჭრო-სამრეწველო პალატის წევრი კომპანიები. გაიმართება ორმხრივი შეხვედრები ქართველ და უკრაინელ ბიზნესმენებს შორის.
