ამერიკის შეერთებული შტატების სახელმწიფო დეპარტამენტი, რუსეთის სამოქალაქო საზოგადოების მხარდასაჭერად, 50 მილიონი დოლარის გამოყოფის ინიციატივით გამოდის.
ფონდის შექმნას უახლოეს პერიოდში კონგრესიც განიხილავს. სახელმწიფო დეპარტამენტის წარმომადგენლის, ვიქტორია ნულანდის განცხადებით, ფონდის მიზანი სამოქალაქო საზოგადოების განვითარება იქნება.
ინიციატივა პირველად სახელმწიფო მდივანმა ჰილარი კლინტონმა CNN-ის ეთერში გაახმაურა, დღეს კი განცხადება იმის შესახებ, რომ მუშაობა პროექტზე უკვე დაწყებულია, სახელმწიფო დეპარტამენტმა ოფიციალურად გააკეთა.
