ეროვნული პარკებისათვის 604 ათასი ევროს მოცულობის გრანტი გამოიყოფა. ეს თანხა თუშეთისა და ვაშლოვანის ეროვნული პარკების განვითარებისათვის დაიხარჯება. ორი წლის განმავლობაში მოეწყობა მცირე ინფრასტრუქტურა და განხორციელდება სხვა და სხვა გარემოსდაცვითი ღონისძიება.
პარკების რეაბილიტაციის შესახებ შეთანხმება გარემოს დაცვის სამინისტროს, დაცული ტერიტორიების სააგენტოსა და კავკასიის ბუნების ფონდს შორის გაფორმდა.
"ერთობლივი და კოორდინირებული მუშაობის შედეგად ხდება გარკვეული თანხების მოძიება და ეს დიდი თანხებია, რომელთა გადარჯვა ხდება დაცული ტერიტორიების გასავითარებლად იმ საჭიროებებში, რომელიც კონკრეტულად დგას ამა თუ იმ დაცული ტერიტორიებზე. სწორედ ამის შედეგადაა, რომ ყოველწლიურად დაცულ ტერიტორიებზ ტურისტების რაოდენობა ძალიან დიდი ტემპებით იზრდება და ეს დინამიკა შენარჩუნებული იქნება", _ აცხადებს საქართველოს გარემოს დაცვის მინისტრი გოგა ხაჩიძე.
