სექტემბრიდან პრეზიდენტის ინიციატივით, ახალი საგანმანათლებლო პროექტი ამუშავდება, რომელიც დასაქმებისკენ იქნება მიმართული_ამის შესახებ, პრეზიდენტის პრესსპიკერმა მანანა მანჯგალაძემ ისაუბრა.
,,პრეზიდენტის ინიციატივით, საქართველოში კიდევ ერთი საგანმანათლებლო პროექტი ამუშავდება, რომელიც დასაქმებისკენ იქნება მიმართული", _განაცხადა პრეზიდენტის პრესსპიკერმა მანანა მანჯგალაძემ.
მისივე თქმით, პროექტის ფარგლებში დაინტერსებულ პირების გადამზადება მოხდება ინგლისურში, კომპიუტერსა და პროფესიულ უნარ-ჩვევებში.
,,ამ პროექტის მიხედვით, სახელმწიფოს დახმარებით ხდება, პროფესიული ორიენტაციისა და პროფესიული გადამზადების ტრენინგი. პროექტი ,,ისწავლე დღეს და დასაქმდი ხვალ" საშუალებას აძლევს დაინტერესებულ პირს გაიაროს 2 თვიანი კურსი ინგლისურში, კომპიუტერულ უნარ_ჩვევებში და პროფესიულ ორიენტაციაში. შეეძლებათ სამივე ტრენინგი გაიარონ ერთად, ან შეარჩიონ მითთვის სასურველი ", _აღნიშნა მანჯგალაძემ.
პრეზიდენტის პრესსპიკერის განცხადებით, პროექტში მონაწილეობა შეუძლია ნებისმიერ მოქალაქეს 25 წლის ასაკიდან. აღნიშნული პროექტი რეგიონებშიც იმუშავებს.
,.პროექტი განკუთვნილია რეგიონებისთვისაც ოცი ქალაქისა და რაიონული ცენტრის მოსახლეობისთვის. ესაა: ბათუმი, ქუთაისი, ფოთი, ზესტაფონი, ჭიათურა, რუსთავი, ონი, ახალქალაქი, სამტრედია, ხაშური, გორი, ოზურგეთი, ტყიბული, თელავი, ზუგდიდი, ახალციხე, ბორჯომი, მესტია, გურჯაანი.
ტრენინგები დაიწყება 15 სექტემბრიდან და გაგრძელდება 2 თვის განმავლობაში_ 15 ნოემბრამდე. პროექტში მონაწილეობა შეეძლება ყველა დაინტერესებულ პირს 25 წლის ასაკიდან", _ განაცხადა მანანა მანჯგალაძემ
