დღეს, 3 აპრილს, 14:00 საათზე სოფლის მეურნეობის მინისტრი ზაზა გოროზია ბათუმში "ცხოველთა ჯანდაცვის ეროვნულ კონფერენციას" გახსნის.
2-დღიან კონფერენციას ბათუმის „შერატონი" უმასპინძლებს. სემინარის მონაწილეებს საქართველოში აშშ-ს ელჩი ჯონ ბასიც მიესალმება. კონფერენციაში მონაწილეობას დარგის ქართველი და ამერიკელი სპეციალისტები მიიღებენ, მათ შორის აშშ-ს მთავარი ვეტერინარი, ამერიკის სოფლის მეურნეობის დეპარტამენტის ვეტერინარული განყოფილების ხელმძღვანელი ჯონ კლიფორდი. კონფერენციაზე განიხილავენ ცხოველთა ჯანდაცვის კუთხით მსოფლიოში არსებულ პრობლემატიკას, ამ მიმართულებით მუშაობის საერთაშორისო პრაქტიკას და ქართულ ვეტერინარიაში არსებულ მდგომარეობას. შემუშავდება რეკომენდაციები და დარგის განვითარების სამოქმედო გეგმა.
