ბიძინა ივანიშვილის სიცოცხლეს საფრთხე ემუქრება, - ეს სკანდალური განცხადება საქართველოდან დევნილმა ჟურნალისტმა, ვახტანგ კომახიძემ ორშაბათს, გვიან ღამით, საკუთარ "ფეისბუქზე" გამოაქვეყნა.
კომაზიძე წერილში აღნიშნავს, რომ მაქ აქვს ინფორმაციას, რომ ბიძინა ივანიშვილის სიცოცხლეს საქართველოს ხელისუფლება საფრთხეს უქმნის. ამავე თემაზე ვახტანგ კომახიძესთან ინტერვიუ გაზეთმა "ალიამაც" ჩაწერა. ინტერვიუში კომახიძე წყაროს სანდოობაზე საუბრობს. მისი თქმით, რადგან განცხადება გამოაქვეყნა, ეს ნიშნავს, რომ წყარო უმნიშვნელო არ არის.
"ეს, შეიძლება მაშინ განხორციელდეს, როცა იგი რეგიონებს ესტუმრება. რა თქმა უნდა, სრულად ვაცნობიერებ პასუხისმგებლობას, რომელსაც ასეთი განცხადება წარმოშობს. მაგრამ, ვალდებული ვარ, ამ ინფორმაციაზე ვილაპარაკო ყოველგვარი მაიდენტიფიცირებელი მონაცემების გარეშე, რადგან მისი არც გადამოწმების შესაძლებლობა არსებობს და არც იმის გარანტია, რომ წყაროს იდენტიფიცირების შემთხვევაში დანაშაულებრივი განზრახვის ავტორები შეიზღუდებიან და არ შეილახება წყაროს უფლებები და უსაფრთხოება. ცხადია, არსებობს იმის ალბათობა, რომ წყაროს მიერ ინფორმაციის გავრცელება ირიბ მიზნებს ემსახურებოდეს, ამისთვის აუცილებელია ინფორმაციის სანდოობის დადგენა, თუმცა, სანდოობის ხარისხის დადგენის შეუძლებლობამ არ უნდა შეიწიროს სავარაუდო საფრთხის მნიშვნელობა",- აღნიშნავს კომახიძე.
წერილში იგი ზურაბ ჟვანიას, რაულ იუსუფოვის და ბადრი პატარკაციშვილის დაღუპვის "გამოუძიებელ საქმეებსაც" იხსენიებს და აღნიშნავს, რომ ამ ყველაფრის გათვალისწინებით საკუთარ ვარაუდს, ინფორმაციის კეთილსინდისიერების შესახებ, გადაჭარბებულად არ თვლის.
კომახიძის აზრით, აღნიშნულ განცხადებას პრევენციული როლის შესრულება შეუძლია.
ამავე თემაზე ვახტანგ კომახიძესთან ინტერვიუ გაზეთმა "ალიამაც" ჩაწერა. ინტერვიუში კომახიძე წყაროს სანდოობაზე საუბრობს.
