დღეს, 3 აპრილს, 11:30 საათზე სოფლის მეურნეობის სამინისტროს ინიციატივით, ქართული მინერალური წყლების და უალკოჰოლო სასმელების გამოფენა გაიმართება. გამოფენას, რომელშიც 16 ქართული კომპანია მიიღებს მონაწილეობას (აკვა გეო, ყაზბეგი, კასტელი, კულა, ნაბეღლავი, ბორჯომი, კამპა, საირმე, რაჭის წყაროები, ნატახტარი, ბიოპროდუქტი, შხეფი, ფლატე, წყალი გუნდაური, სუფთა წყალი ბინული, ლაღიძის წყლები) სასტუმრო „რედისონი" უმასპინძლებს.
გამოფენაზე მოწვეულ სტუმრებს შორის არიან ქართული სამთავრობო სტრუქტურების, ასევე საერთაშორისო ორგანიზაციების და საქართველოში აკრედიტირებული დიპლომატიური კორპუსის წარმომადგენლები.
სოფლის მეურნეობის სამინისტრო მუდმივად უჭერს მხარს ქართულ კომპანიებს ახალი საექსპორტო ბაზრების ათვისებაში. აღნიშნული გამოფენაც ქართული პროდუქციის პოპულარიზაციასა და საექსპორტო პოტენციალის ზრდას შეუწყობს ხელს.
