დღეს, 3 აპრილს, საქართველოს ტურიზმის ეროვნული ადმინისრაცია წამყვანი ინდოელი ტუროპერატორებისა და მსხვილი კორპორაციების წარმომადგენლებისგან შემდგარ ჯგუფს მასპინძლობს.
ტურიზმის ეროვნული ადმინისრაციის ინფორმაციით, ინდოელი სტუმრებისთვის მოეწყობა საინფორმაციო ტური საქართველოს მასშტაბით, რის ფარგლებშიც დაათვალიერებენ თბილისს, მცხეთას, კახეთს, იმერეთს, ბათუმსა და გუდაურს. ვიზიტის ფარგლებში ინდოელი ტუროპერატორები შეხვდებიან ტურიზმის ადმინისრაციის ხელმძღვანელს მაია სიდამონიძესა და საინვესტიციო სააგენტოს დირექტორს ქეთევან ბოჭორიშვილს. ასევე შეხვდებიან ტურიზმის ინდუსტრიაში ჩართულ ქართველ კოლეგებს.
მსოფლიოში ყოველწლიურად იზრდება ინდოელი ტურისტების რაოდენობა, არის მაღალშემოსავლიანი ბაზარი, საქართველოში ინდოელი ტურისტების ზრდასთან ერთად ძალიან მნიშვნელოვანია მათი დანახარჯები რაც საბოლოო ჯამში აისახება ტურიზმის სექტორის შემოსავალზე. ინდოელი ტურისტების საქართველოში მოგზაურობის ხელსაყრელ პირობას ქმნის ახლო აღმოსავლეთსა და აზიის რეგიონში საქართველოდან პირდაპირი ფრენების ფაქტორი.
მასალის გამოყენების პირობები