მსოფლიოში ყველაზე მსხვილი ნავთომმომპოვებელი კომპანია PetroChina გახდა
კომპანიამ, 2011 წელს, 886,1 მლნ ბარელი ნავთობი მოიპოვა. შესაბამისად კომპანია დღე-ღამეში საშუალოდ 2,43 მლნ ბარელ ნავთობს იღებდა.
რაც შეეხება PetroChina-ს კონკურენტს - ExxonMobil-ს, მისი ყოველდღიური საშუალო მოპოვება მხოლოდ 2,3 მლნ ბარელს შეადგენდა. ExxonMobil-მა 2011 წლის განმავლობაში მთლიანობაში 839,5 მლნ ბარელი ნავთობის მოპოვება შეძლო.
სტატისტიკური მონაცემების მიხედვით, 2011 წელს PetroChina-ს საშუალო დღიური მოპოვება 3,3%-ით გაიზარდა, ხოლო ExxonMobil-ისა კი 5%-ით.
ნავთობმოპოვების ახალმა ლიდერმა უკვე ღიად განაცხადა, რომ მზადაა ნავთობმოპოვება, მთელი მსოფლიოს მასშტაბით უფრო აქტიურად აწარმოოს. ანალიტიკოსების განმარტებით, PetroChina-ას აქვს შანსი იმისა, რომ მსოფლიო ლიდერის სტატუსი კიდევ დიდი ხნის განმავლობაში შეინარჩუნოს.
