დღეს არის თავისუფალი მოქალაქეების აქცია, - - განაცხადა გუდიაშვილის მოედანზე სამოქალაქო სოლიდარობის კამპანიის ფარგლებში გამართულ დასკვნით აქციაზე "თავისუფალი დემოკრატების" ლიდერი ირაკლი ალასანიამ.
"დღეს არის თავისუფალი მოქალაქეების აქცია. ვინც აქ არის მოსული და ვინც ვერ მოვიდა, ყველას სჭირდება თავისუფლება, რომ გახდეს ქვეყნის განვითარების თანამონაწილე. მოქალაქეებს დაკარგული აქვთ საკუთარი თავის რწმენის განცდა და პირადი მაგალითით და სოლიდარობით, ჩვენ ეს განცდა მათ უნდა დავუბრუნოთ. მე აქ მოვედი, როგორც ერთ-ერთი რიგითი მოქალაქე", - განაცხადა ირაკლი ალასანიამ.
"დღეს სამოქალაქო სოლიდარობის აქცია მიმდინარეობს", გაიმართა თბილისის ექვს მოედანზე" სააკაძის მოედანზე - ადამიანის უფლებების დაცვის მოთხოვნით; მარჯანიშვილის მოედანზე - გარემოს დაცვის მოთხოვნით; ავლაბრის მოედანზე - თავისუფალი მედიის მოთხოვნით; ვაკის პარკთან მდებარე მოედანზე - განათლების უფლების დაცვის მოთხოვნით; მრგვალ ბაღში - სამართლიანი არჩევნების მოთხოვნით; თავისუფლების მოედანზე - მოთხოვნით - გაამაგრე გუდიაშვილი - დაიცავი კულტურული მემკვიდრეობა.
აქციის ორგანიზატორები არიან - "მედია კლუბი" და "ტფილისის ჰამქარი", ხოლო თანაორგანიზატორები - საქართველოს ახალგაზრდა იურისტთა ასოციაცია, "საერთაშორისო გამჭვირვალობა - საქართველო, "მწვანე ალტერნატივა", თბილისის სახელმწიფო უნივერსიტეტის სტუდენტები, კამპანია - "ეს შენ გეხება" და სხვები.
