"ქრისტიან-დემოკრატიული მოძრაობის" ლიდერებმა აზიზიეს მეჩეთის მშენებლობასთან დაკავშირებით მსვლელობა გამართეს. მსვლელობის შემდეგ გიორგი ახვლედიანი და ჯაბა სამუშია აჭარელ "ქრისტიან-დემოკრატებთან" ერთად, ბათუმში გამართულ დიდ აქციას შეუერთდნენ.
"ქრისტიან-დემოკრატები" კატეგორიულად მოითხოვენ საქართველოსა და თურქეთის მხარის მიერ დადებული ხელშეკრულების გასაჯაროებას. გიორგი ახვლედიანის და ჯაბა სამუშიას განცხადებით, საქართველოს ხელისუფლებამ დაუყოვნებლივ უნდა მიმართოს იუნესკოს, რომელიც თავის მხრივ უზრუნველყოფს ქართული კულტურული მემკვიდრეობის, ოშკისა და იშხანის ტაძრების აღდგენას.
"ქრისტიან-დემოკრატებისთვის" ერთმნიშვნელოვნად მიუღებელია აზიზიეს მეჩეთის აშენება ბათუმში და საქართველოს ნებისმიერ სხვა კუთხეში. იმ შემთხვევაში თუ ამის საჭიროება გაჩნდება და ქართველი მუსულმანები მოითხოვენ მეჩეთის აშენებას, ეს საკითხი უნდა გადაწყდეს სახელმწიფოებრივ დონეზე. ჩვენ კატეგორიულად ვაყენებთ საპატრიარქოს მოლაპარაკებებში ჩართვის საკითხს, წინააღმდეგ შემთხვევაში, დაირღვევა სახელმწიფოსა და ეკლესიას შორის არსებული კონკორდატი", - განაცხადა გიორგი ახვლედიანმა.