ლატარეა "Mega Millions" -ის ბედნიერი ბილეთი, რომლის ჯეკპოტი 640 მილიონ აშშ დოლარს შეადგენს მერილენდის შტატში გაიყიდა. ინფორმაციას ამის შესახებ ლატარეის ორგანიზატორები ავრცელებენ.
თუმცა მათი ინფორმაციით, გამარჯვებული შესაძლოა ერთზე მეტი აღმოჩნდეს. გამარჯვებულმა უნდა აირჩიოს, ან თავის პრიზს 26 წლის განმავლობაში 24,6 მილიონ აშშ დოლარს ყოველწლიურად მიიღებს ან "ხელზე" აიღებს თანხას მხოლოდ 462 მილიონ აშშ დოლარს.
რამდენიმე ხნის წინ ატლანტაში განსაზღვრეს მომგებიანი კომბინაცია -2-4-38-23-46, ოქროს ბურთი "მეგა ბოლ" 23. შანსი იმისა, რომ ამ კომბინაციის მფლობელი გახდები 1:176 000 000 შეფარდებით ფასდებოდა, ამავე დროს "ეს ალბათობა იმაზე გაცილებით უფრო დაბალი იყო ვიდრე შესაძლებლობა ელვას მოეკალი".
