დღეს, 31 მარტს, თამბაქოს პირველადი გადამუშავების საწარმოს მშენებლობისთვის ინვესტორი გამოვლინდება. აჭარის მთავრობა თამბაქოს პირველადი გადამუშავების საწარმოს შექმნას ცდილობს, რისთვისაც ინვესტორს დღეს გამოავლენს.
ამ მიზნით და შესაბამისად ინვესტორის მოსაძიებლად, აჭარის ფინანსთა და ეკონომიკის სამინისტრო დაბა ქედაში, 9 აპრილის ქუჩა №8-ში მდებარე 2025,15 კვ.მ შენობა-ნაგებობსა და მასზე მიმაგრებულ 6559 კვ.მ არასასოფლო-სამეურნეო მიწის ნაკვეთს პირობებიან აუქციონზე ყიდის.
პირობების თანახმად, მყიდველმა 2012 წლის 25 დეკემბრამდე თამბაქოს პირველადი გადამუშავების, მზა პროდუქციის საწარმო უნდა ააშენოს. ინვესტორი ვალდებულია ასევე საწარმო და დასაქმებულთა რაოდენობა 5 წლის განმავლობაშიშ შეინარჩუნოს. ობიექტის საწყისი ღირებულება 155 ათასი ლარია.