4 აგვისტოს, კიევში მადონა სტადიონ "ოლიმპიკზე" კონცერტს გამართავს.პოპ დივას კონცერტზე დასასწრები ბილეთების გაყიდვა 30 მარტიდან დაიწყება და მისი ღირებულება, ადგილების მიხედვით, 56 დოლარიდან 315 დოლარამდე მერყეობს.
საკონცერტო ტურნეს ფარგლებში, რომელიც ევროპას, სამხეთ და ჩრდილოეთ ამერიკას და ავსტრალიას მოიცავს, მადონას ახალი ალბომის «MDNA»-ს პრეზენტაცია შედგება.
მადონამ ინოვაციური მუსიკალური ვიდეოებითა და საგულდაგულოდ დადგმული წარმოდგენებით, ასევე, საკუთარ შემოქმედებაში სკანდალური ხასიათის პოლიტიკური, სექსუალური და რელიგიური თემატიკის გამოყენებით, ფანებისგან „პოპის დედოფალის" წოდებაც დაიმსახურა.
მსოფლიო მასშტაბით გაყიდული 175 მილიონი ალბომისა და 75 მილიონი სინგლის წყალობით, "გინესის მსოფლიო რეკორდების წიგნმა" მადონა "ყველა დროის ყველაზე წარმატებულ სოლო მომღერალ ქალად" დაასახელა, ხოლო 2007 წელს, იგივე "გინესის მსოფლიო რეკორდების წიგნმა"და მუსიკალურმა ჟურნალმა "ბილბორდმა" მადონა "ყველა დროის ყველაზე შემოსავლიან სოლო მომღერალ ქალად" აღიარა. ბიზნეს-ჟურნალ "ფორბსის" მონაცემებით, ამერიკელი მომღერლის ქონება 325 მილიონ აშშ დოლარს შეადგენს. უფრო მეტიც მეტიც, მადონას კიდევ ერთ რეკორდს მიაწერენ - "მომღერალი ქალის მიერ ჩატარებული ყველაზე შემოსავლიანი საკონცერტო ტურნე" - მისმა მსოფლიო ტურნემ "Confessions Tour"-მა ორგანიზატორებს 260.1 მილიონი აშშ დოლარი მოუტანა
მასალის გამოყენების პირობები
