საქართველოს პარლამენტის თავმჯდომარის დავით ბაქრაძის განცხადებით, ცხინვალის რეგიონში ჩატარებული ე.წ. საპრეზიდენტო არჩევნები, საერთაშორისო სამართლებლივი პრინციპებით, ვერანაირად ვერ ჩაითვლება ლეგიტიმურად.
როგორც პარლამენტის დღევანდელ ბიუროს სხდომაზე დავით ბაქრაძემ განაცხადა, მსოფლიოში არ არსებობს პრეცედენტი, როდესაც ეთნოწმენდის ფონზე ჩატარებული არჩევნების აღაირება მომხდარიყო.
,,ერთადერთი გზა იქ ჩატარებული ღონისძიებების აღიარებისა არის იძულებით გამოდევნილი მოსახლეობის დაბრუნება საკუთარ საცხოვრებელ ადგილებზე და ოკუპირებული ტერიტორიების დაბრუნება საქართველოს სამართლებლივ სივრცეში", - დასძინა დავით ბაქრაძემ.
ე.წ. სამხრეთ ოსეთში დე ფაქტო საპრეზიდენტო არჩევნების მეორე ტური გუშინ გაიმართება. დე ფაქტო ცესკოს მონაცემებით, ბიულეტენების 40%-ის დამუშავების შემდეგ ხმათა 41,94%-ით ლეონიდ თიბილოვი ლიდერობს. მეორე ადგილზეა 25,36%-ით დავით სანაკოევი. პირველივე ტურში გამარჯვებისთვის კანდიდატს ხმათა 50%-ს პლუს ერთი ხმა სჭირდებოდა.
