ბრაზილიისა და საქართელოს საკანონმდებლო ორგანოებს შორის ურთიერთობები გაღრმავდება. ამის შესახებ საგარეო ურთიერთობათა კომიტეტის თავმჯდომარე აკაკი მინაშვილმა ბრაზილიელ სენატორთან ქრისტოვამ ბუარქესთან შეხვედრის შემდეგ განაცხადა.
მინაშვილის განცხადებით, სენატორს აინტერესებდა ის რეფორმები, რომელიც საქართველომ ამ რამდენიმე წლის განმავლობაში გაატარა.
,,აქ იმყოფებოდა ბრაზილიიდან ერთ-ერთი ყევლაზე გავლენიანი და მნიშვნელოვანი სენატორი. მისი ჩამოსვლის მთავარი მიზანი იყო საქართველოსა და ბრაზილიას შორის, მათ შორის საპარლამენტო მიმართულებით ურთიერთობის დაახლოება. მას აინტერესებდა ის რეფორმები, რომელიც საქართველომ ამ რამდენიმე წლის განმავლობაში გაატარა. განსაკუთრებით, სოციალური და ჯანდაცვის რეფორმა. შევთანხმდით, რომ თანამშრომლობა მომავალშიც გაგრძელდება,, - განაცხადა მინაშვილმა.
შეხვედრას ასევე ესწრებოდნენ, საქართველოს პარლამენტის წევრები პეტრე ცისკარიშვილი, ჩიორა თაქთაქიშვილი და ოთარ თოიძე.
ბრაზილიელმა სენატორმა ქრისტოვამ ბუარქესმა ქართველი კანონმდებლები რიო-დე-ჟანეიროში, გაეროს ორგანიზებულ ფორუმზე დაპატიჟა, რომელიც მიმდინარე წლის ივნისში გაიმართება.
