სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი, ბიჭვინთისა და ცხუმ-აფხაზეთის მიტროპოლიტი ილია მეორე სამწუხარო ფაქტის უწოდებს არაკეთილისმსურველების მიერ ხმების გავრცელებას, იმის თაობაზე, რომ საქართველოს ეკლესია ჩაგრავს უმცირესობებს.
"სამწუხარო ფაქტია, რომ ზოგიერთი არაკეთილისმსურველი უცხოეთში ავრცელებს ხმას, თითქოს, საქართველოს ეკლესია ჩაგრავს უმცირესობებს, უმცირეს სარწმუნოების მქონე ხალხს. სინამდვილეში ეს არ არის ასე - ყველას აქვს თავისი უფლება, თავისი ძალაუფლება, რომ გამოავლინოს თავისი რელიგიური გრძნობები", - განაცხადა ილია მეორემ საპატრიარქოში დიპლომატიური მისიების ხელმძღვანელებთან გამართული შეხვერისას.
კათოლიკოს-პატრიარქმა ყურადღება გაამახვილა თურქეთში ქართული ტარძების მდგომარეობაზე.
"ჩვენ ძალიან გვაწუხებს ის ფაქტი, რომ თურქეთის რესპუბლიკაში მყოფი ქართული ტაძრები თანდათან ინგრევა და ჩვენ უნდა მოგვეცეს საშუალება იმისათვის, რომ ჩვენ გავაკეთოთ სათანადო რესტავრაცია", - განაცხადა პატრიარქმა.
