დახლზე მოვაჭრეებს საკონტროლო სალარო აპარატების გამოყენების ვალდებულება კიდევ ერთი წლით გადაუვადდებათ. როგორც სააგენტო "ჯი-ეიჩ-ენთან" საუბრისას შემოსავლების სამსახურის უფროსმა ჯაბა ებანოიძემ განაცხადა, დახლზე მოვაჭრეებს სალარო აპარატების გამოყენების ვალდებულება ივნისში ეწურებოდათ, თუმცა მიღებულია გადაწყვეტილება და მათ სალარო აპარატების გამოყენების ვალდებულება კიდევ ერთი წლით, 2013 წლის ივნისამდე გაუხანგრძლივდებათ.
სალარო-აპარატების გამოყენების გადავადებაზე ცვლილება "საგადასახადო კოდექსში" უნდა შევიდეს. კანონპროექტის პროექტზე მთავრობამ უკვე იმსჯელა და მის განხილვას საკანონმდებლო ორგანოში უკვე მომავალი კვირიდან შეუდგებიან.
