ხვალ, 24 მარტს, 13:00 საათზე, ფინანსთა მინისტრი დიმიტრი გვინდაძე სამტრედიაში შეხვედრას იმერეთში მოქმედი ბიზნეს-სექტორის წარმომადგენლებთან გამართავს. ფინანსთა სამინისტროს ინფორმაციით, მინისტრი მათ პირადად გააცნობს ინფორმაციას ქვეყანაში მიმდინარე ეკონომიკური და ფისკალური ტენდენციების, მთავრობის 10-პუნქტიანი გეგმით გათვალისწინებული პრიორიტეტებისშესახებ,მიმოიხილავას 2012 წლის ბიუჯეტით იმერეთის რეგიონში გათვალისწინებულ სოციალურ და ინფრასტუქტურულ პროექტებს. მინისტრი ადგილობრივ ბიზნეს-სექტორს გააცნობს საგადასახადო კოდექსში შესულ ცვლილებებს, რომელიც სოფლის მეურნეობის პროდუქციის დღგ-სგან გათავისუფლებას ითვალისწინებს. ისაუბრებს ზოგადად, ფინანსთა სამინისტროს სისტემაში მიმდინარე რეფორმებზე, რომელთა მიზანია ბიზნესის ხელშეწყობა, მათთვის გამარტივებული პროცედურების შეთავაზება. შეხვედრაზე ასევე მოწვეულები არიან მხარის გუბარნატორი ლაშა მაქაცარია, სამხარეო ადმინისტრაციისა და ადგილობრივი თვითმმართველობის წარმომადგენლები.
შეხვედრა სამტრედიაში, კომპანია „ვისოლის" ნავთობ-ბაზის ტერიტორიაზე გაიმართება.
.
