ფიტნესცენტრ "ლაგუნა ქუთაისში" სოციალური მომსახურების სააგენტომ და ვისოლ ჯგუფმა პროექტის "ჩემი მეგობარი" ფარგლებში ხელი მოაწერეს მემორანდუმს, რომლის მიხედვითაც, ისინი და ერთობლივი ძალებით იზრუნებენ ქუთაისის მცირე საოჯახო ტიპის სახლის აღსაზრდელებს საზოგადოებასში ინტეგრაციაზე.
"პროექტის მიზანია, თითოეულ მცირე საოჯახო ტიპის სახლს ჰყავდეს მეგობარი კომპანია, რომელიც გრძელვადიან პერსპექტივაში დაეხმარება ამ სახლებში მცხოვრებ მზრუნველობამოკლებულ ბავშვებს საზოგადოებათან ინტეგრაციაში", - აცხადებს შრომის, ჯანმრთელობისა და სოციალური დაცვის მინისტრის მოადგილე ირაკლი ნადარეიშვილი.
ვისოლ ჯგუფი ქუთაისის მცირე საოჯახო ტიპის სახლის ბავშვების ჯანსაღ მომავალზე იზრუნებს და საშუალებას მისცემს მათ, ფიტნესცენტრ "ლაგუნა ქუთაისის" საცურაო აუზებითა თუ ფიტნესის დარბაზებით ისარგებლონ და საფეხბურთო კლუბ "ტორპედო ქუთაისის" თამაშებზე დაესწრონ.
"სოციალურად დაუცველ ბავშვებზე ზრუნვა ვისოლ ჯგუფის კორპორაციული სოციალური პასუხისმგებლობის სტარტეგიის ერთ-ერთი ძირითადი მიმართულებაა. მოხარულნი ვართ, რომ სოციალური მომსახურების სააგენტოს პროექტის ფარგლებში უკვე ქუთაისშიც შევძლებთ საოჯახო ტიპის სახლის ბავშვების ჯანსაღ მომავალზე ზრუნვას",- აცხადებს ვისოლ ჯგუფის სამოთვალყურეო საბჭოს თავმჯდომარე სოსო ფხაკაძე.
პროექტს "ჩემი მეგობარი" სსიპ სოციალური მომსახურების სააგენტო ახორციელებს და ცდილობს მასიმალურად ბევრი კერძო კომპანია ჩართოს საოჯახო ტიპის სახლებში მცხოვრები მზრუნველობამოკლებული ბავშვების საზოგადოებასთან ინტეგრაციის საქმეში. ამჟამად, საქართველოს მასშტაბით, უკვე 19 მცირე საოჯახო ტიპის სახლი ფუნქციონირებს. 2012 წლისთვის კიდევ 25 სახლის გახსნა იგეგემება.
დამატებითი ინფორმაციისთვის დაინტერესებული პირები უნდა დაუკავშირდენენ ვისოლ ჯგუფის საზოგადოებასთან ურთიერთობისა და კორპორაციული სოციალური პასუხისმგებლობის მენეჯერს, რუსუდან კბილაშვილს - მობ: (995 99) 320412.
