თბილისში მიმდინარე ,,ევროკავშირ-აღმოსავლეთ პარტნიორობის" ფორუმი გიორგი ბარამიძემ გახსნა და ვიცე-პრემიერმა ქვეყანაში გატარებულ რეფორმებსა და NDI-ის კვლევებზე ისაუბრა.
,, NDI -ის კვლევების მიხედვით, ქართულ მედიას საქართველოს მოსახლეობის 76% ენდობა. ამასთან საქართველოს ხელისუფლება მნიშვნელოვან ნაბიჯებს დგამს სასამართლო სისიტემის ამაღლების კუთხითაც. აღსანიშნავია, რომ ბოლო კვლევების მიხედვით, მოსახლეობის 72% ენდომა სასამართლოს. 2011 წელს ევროკავშირის მიერ დაფინანსებულმა კვლევამ დაადასტურა, რომ ქვეყანაში მნიშვნელოვნად ამაღლდა საზოგადოებრივი უსაფრთხოება და საქართველო ცენტრალურ და აღმოსავლეთ ევროპის მასშტაბით, ყველაზე უსაფრთო ქვეყნად ჩამოყალიბდა", _ განაცხადა ფორუმზე ბარამიძემ.
შეგახსენებთ, ფორუმის მუშაობაში მონაწილეობენ ევროკავშირის წევრი ქვეყნებისა და ,,აღმოსავლეთ პარტნიორობის" სახელმწიფოების (საქართველო,Aაზერბაიჯანი, ბელორუსი, მოლდოვა, სომხეთი, უკრაინა) აღმასრულებელი და საკანონმდებლო ხელისუფლების, ასევე არასამთავრობო ორგანიზაციების, საერთაშორისო მედიისა და ბიზნესწრეების წარმომადგენლები.
ფორუმზე იმსჯელებენ, ,,აღმოსავლეთ პარტნიორობის" რეგიონებში ევროკავშირის როლის, ვაჭრობის, რეგიონალური უსაფრთხოების, სავიზო რეჟიმის ლიბერალიზაციისა და ხალხთა შორის კონტაქტების შესახებ.