საკრუიზო ლაინერის "კოსტა კონკორდიას" კატასტროფის თითქმის ორი თვის შემდეგ, სამძებრო ჯგუფმა ჩაძირული გემზე კიდევ ხუთი ადამიანის ცხედარი აღმოაჩინა. ინფორმაციას ამის შესახებ "ბი-ბი-სი" ავრცელებს.
სულ გემზე ნაპობნი იქნა 30 მგზავრისა და ეკიპაჟის წევრის ცხედარი. ორი ადამიანი კი დღემდე დაკარგულად ითვლება.
ლაინერის წონა 114 ათას ტონაზე მეტი იყო და იგი 4200 მგზავრითა და ეკიპაჟის წევრით კუნძურ ჯილიოსთან 13 იანვრის საღამოს ჩაიძირა. ლაინერმა ქვედა ნაწილი წყალქვეშა კლდეს გამოსდო და დაზიანდა. გემი მაშინვე ამოყირავდა.
იტალიის პროკურატურა მიიჩნევს, რომ ლაინერის კატასტროფის მიზეზი კაპიტნის არასწორი საქციელი იყო. სკეტინნოს, რომელსაც გემი ნაპირისაკენ ძალიან სწრაფად მიჰყავდა, ასევე ბრალი ედება იმაში, რომ მან გემი ყველა მგზავრის ევაკუაციამდე დატოვა. თავად კაპიტანი ყველა ბრალდებას უაყოფს, ასევე უარყოფს იმ ფაქტს, რომ მან გემი მგზავრების ევაკუაციამდე დატოვა.
ამჟამად უკვე სპეციალისტებმა "კოსტა კონკორდიადან" ნავთობის ამოქაჩვა თითქმის დაასრულეს. სამუშაოები 12 თებერვალს დაიწყო და სავარაუდოდ დღეს უნდა დასრუდეს. სამუშაოების შემდეგი ეტაპი კი გემის ამოტანა ქნება. სპეციალისტების ვარაუდით ამას დაახლოებით ერთი წელი დასჭირდება.
