საპარლამენტო არჩევნებში თანაბარი მონაცემების მქონე ქალი და კაცი კანდიდატის შემთხვევაში უპირატესობით ქალები ისარგებლებენ. ამის შესახებ ნათქვამია ეროვნულ-დემოკრატიული ინსტიტუტის (NDI) მიერ გამოქვეყნებულ საზოგადოებრივი აზრის კვლევის შედეგებში.
გამოქვეყნებული შედეგების მიხედვით, მომავალ საპარლამენტო არჩევნებში თანაბარი მონაცემების მქონე ქალი და კაცი კანდიდატის შემთხვევაში 65% მზადაა, არჩევანი სუსტი სქესის წარმომადგენლის სასარგებლოდ გააკეთოს. 22% წინააღმდეგია, ხმა ქალ კანდიდატებს მისცეს, ხოლო 12%-მა არ იცის, როგორი იქნება მისი არჩევანი.
გამოკითხვაში მონაწილე ქალების 73% მზადაა, არჩევანი ქალი კანდიდატის სასარგებლოდ გააკეთოს, მათ მხარს დაუჭერს გამოკითხული მამაკაცების 57%. ქალ კანდიდას მხარს არ დაუჭერს გამოკითხვაში მონაწილე კაცების 30 და ქალების 16%.
შეგახსენებთ, რომ საზოგადოებრივი აზრის კვლევა ჩატარებულია მთელი ქვეყნის მასშტაბით 2012 წლის 22 თებერვლიდან 5 მარტის პერიოდში. გამოიკითხა 3 161 კაცი.
