21 მარტს ჟურნალმა Global Finance გამოაქვეყნა 2012 წლის გამარჯვებული ბანკების სია, რომლის თანახმად ქვეყნის საუკეთესო ბანკის ნომინაციაში საქართველოში გამარჯვებულ ბანკად დასახელდა თიბისი ბანკი.
კრიტერიუმი, რის მიხედვითაც მოხდა გამარჯვებული ბანკების დასახელება მოიცავდა აქტვიების ზრდას, მომგებიანობას, ბანკის სტრატეგიას, მომსახურების ხარისხს და ინოვაციურ პროდუქტებს.
თიბისი ბანკთან ერთად ამ ნომინაციაში გაიმარჯვეს ისეთმა ბანკებმა, როგორებიც არის Deutsche Bank (გერმანია), Rabobank (ირლანდია), Santander (ესპანეთი), Credit Suisse (შვეიცარია), KBC (ბელგია), Raiffeisen Bank International (ავსტრია), UniCredit Bank (რუსეთი), International Bank of Azerbaijan (აზერბაიჯანი).
უკვე 19 წელია, საერთაშორისო ექსპერტებთან და კონსულტანტებთან ერთად Global Finance იკვლევს წამყვან ბანკებს აზიაში, ახლო აღმოსავლეთში, აფრიკაში, ლათინურ ამერიკაში, ცენტრალურ და აღმოსავლეთ ევროპაში. წელს საუკეთესო ბანკები მსოფლიოს მაშტაბით 21 ქვეყნიდან დასახელდა.
„დღევანდელ კონკურენტულ გარემოში მომხმარებლები ითხოვენ მაქსიმალურ კომპეტენციას პარტნიორი ბანკებისგან, ჩვენი კვლევის შედეგად ვარჩევთ ბანკებს, რომლებიც საკუთარ მომხმარებელს ყველაზე კომპეტენტურ სერვისს სთავაზობენ" _ამბობს Joseph Giarraputo, ჟურნალის Global Finance რედაქტორი.
„ჩვენ მოხარულები ვართ, რომ ასეთი პრესტიჟული ჯილდო მივიღეთ. ეს გვაძლევს მოტივაციას კიდევ უფრო გავაძლიეროთ ჩვენი პოზიციები საქართველოსა და მთელს რეგიონში"_ აცხადებს, თიბისი ბანკის გენერალური დირექტორი, ვახტანგ ბუცხრიკიძე.
