პრეზინდეტის ინიციატივა, რომელიც ქვეყანაში უმუშევრობის დაძლევას და მისი გზების ძიებას უკავშირდება, 19 მარტიდან ამოქმედდა. როგორც პრეზიდენტის პრესსპიკერმა მანანა მანჯგალაძემ განმარტა, მის ფარგლებში ათასობით ჩვენს თანამოქალაქეს საშულება აქვს მიიღოს პროფესიული განათლების ათასლარიანი ვაუჩერი. პრესსპიკერის განცხადებით, აღნიშნული ვაუჩერი მოსახლეობას სტაბილური სამუშაო ადგილის პოვნასა და დამკვიდრებაში დაეხმარება.
"პროფესიული განათლების მიღების მსურველთა საგაზაფხულო რეგისტრაცია 20 აპრილამდე გაგრძელდება. რეგისტრაცია თბილისის გარდა, ქუთაისისა და ქობულეთის საინფორმაციო ცენტრებშიც მიმდინარეობს. რეგისტრაციის გავლამდე დაინტერესებული პირი აქვე მიიღებს ყველა საჭირო ინფორმაციას. პროფესიული განათლების ვაუჩერული დაფინანსებისთვის სახელმწიფომ 7 მილიონი ლარი გამოყო, რაც 7 000 ადამიანს საშუალებას მისცემს ისწავლოს, იშრომოს, გახდეს პროფესიონალი და დასაქმდეს. უპირველესად, ვაუჩერით სრულად დაფინანსდებიან სოციალურად დაუცველი სტუდენტები, ასევე, მიმდინარე წლის ცხრაკლასდამთავრებულები და მეთორმეტეკლასელები, რომელთაც სკოლის დამთავრების შემდეგ გადაწყვიტეს დაეუფლონ პროფესიულ განათლებას. პირველადი სტატისტიკით , საქართველოს მასშტაბით, უკვე პროფესიული განათლების მიღების 1500-მდე მსურველია დარეგისტრირებული", - განაცხადა მან.
