ეგვიპტეში 89 წლის ასაკში კოპტური ქრისტიანული ეკლესიის პატრიარქი შეკუნდა III გარდაიცვალა. იგი კოპტურ ეკლესიას 40 წლის განმავლობაში მართავდა. ეს ერთ ერთი ყველაზე უძველესი ქრისტიანული ტაძარია და მისი მიმდევრების რაოდენობა დაახლოებით 10 მილიონია.
ღამით ქაიროში ქრისტიანების დიდი ჯგუფი კოპტურ ეკლესიასთან შეიკრიბა იმისათვის რათა პარტიარქისათვის პატივი მიეგოთ. მტირალ ადამიანების ხლში პატრიარქის ფოტოები ეჭირათ. კოპტებისაგან მრავალმა სპეციალურად პატრიარქის დაკრძალვისათვის შვებულებაც კი აიღო. პატრიარქის დაკრძალვის ცერემონიალი სამი დღის შემდეგ უნდა გაიმართოს.
კოპტური ეკლესიის წარმომადგენლის განცხადებით, შეკუნდა III, რომელიც ეკლესიას 1971 წლიდან ედგა სათავეში სიბერისგან გარდაიცვალა.
კოპტური ეკლესიის მეთაური ცნობილი იყო იმითაც, რომ იგი კონფესიათა შორის დიალოგს ემხრობოდა.
ამავე დროს ვრცელდება ინფორმაცია, რომ კოპტური ეკლესიის მეთაურს 20 მარტს დაკრძალავენ. მას დასავლეთ უდაბნოში მდებარე წმინდა ბიშოას მონასტერში დაკრძალავენ. სწორედ ამ ადგილას დაიბარა პატრიარქმა მისი მიწისთვის მიბარება.
გარდაცვლილი პატრიარქისათვის პატივის მისაგებად ქრისტიანთა გარდა მუსულმანებიც მიდიან. გავრცელებული ინფორმაციით, გარდაცვლილი პატრიარქი ამჟამად პაპის სავარძელში ზის, კანონების მიხედვით, გარდაცვალების შემდეგაც პაპი აგრძელებს იყოს კოპტური ეკლესიის მეთაური. გლოვის აღსანიშნავად დღეს ქაიროში დახურულია მრავალი მაღაზია, მათ შორის საიუველირო დახლები და მრევლის უმრავლესობას შავი ფერის ტანისამოსი აცვია.
