"ქართველი ემიგრანტების" ხელმძღვანელი ზურაბ ყუშიტაშვილი ირაკლი სესიაშვილისგან მის მიერ გაზეთ "ალიასთვის" მიცემულ ინტერვიუში არსებული გაუგებრობების დაკონკრეტებას ითხოვს. ამის შესახებ "ჯი-ეიჩ-ენს" ზურაბ ყუშიტაშვილმა განუცხადა, რომელიც რედაქციას საკუთარი ინიციატიივით დაუკავშირდა.
" სააგენტო "ჯი-ეიჩ-ენთან" გაკეთებულ კომეტარში ირაკლი სესიაშვილი აცხადებს, რომ იგი საქართველოში არ იმყოფება, არ გაცნობია გაზეთში (ალია 15-19 მარტი, #21, გვ 26-27. რედ.) გამოქვეყნებულ ჩემს ინტერვიუს, თუმცა აცხადებს, რომ მასში ბევრი გაუგებრობაა", - განუცხადა "ჯი-ეიჩ-ენს" ყუშიტაშვილმა.
ყუშიტაშვილმა განაცხადა, რომ იმედს იტოვებს ირაკლი სესიაშვილი საქართველოში დაბრუნების შემდეგ ისაუბრებს "გაუგებრობებზე", რის შემდეგაც მზადაა თავადაც დააკონკრეტოს თითოეული დეტალი.
შეგახსენებთ, რომ გაზეთმა "ალიამ" გამოქვეყნა ინტერვიუ ყუშიტაშვილთან, რომელიც ირწმუნება, რომ იგი ივანიშვილთან ვიდეოკამერით შეაგზავნეს. მან ამის შესახებ ივანიშვილის გარემოცვას და პირადად ბიძინა ივანიშვილს აცნობა. მიიღო უსაფრთხოების გარანტიები და აღნიშნული ფაქტის გახმაურების პირობა, თუმცა არც ივანიშვილს და არც მის გარემოცვას ყუშიტაშვილი არ დაუცვია.
ყუშიტაშვილი ინტერვიუში სხვა პერსონეთან ერთად ახსენებს ირაკლი სესიაშვილსაც, რომელმაც აღნიშნული საკითიხის კომეტირებისგან თავი შეიკავა და აღნიშნა: "ამ თემაზე კომენტარს ვერ გავაკეთებ, რადგან არ ვარ საქართველოში და არც გავცნობივარ საგაზეთო მასალას. თუმცა, როგორც ვიცი, სტატიაში ბევრი გაუგებრობაა".
