დღეს, 17 მარტს, 13:00 საათზე, "გუდვილის" საბურთალოს ფილიალი (ქავთარაძის #1) ჟურნალ "საბავშო კარუსელის" ახალი პროექტის პრეზენტაციას უმასპინძლებს. პროექტის ფარგლებში, საბავშვო ჟურნალთან ერთად, ყოველკვირეულად გამოიცემა დისნეის მულტფილმების თითო წიგნი, რომელსაც ექნება მაგარი ყდა და გაფორმებული იქნება ილუსტრაციებით. ამ სერიის პირველი გამოცემაა "მეფე ლომი". "საბავშვო კარუსელი" მას დღევანდელ პრეზენტაციაზე წარმოადგენს.
"ბიბლუსი" და გუდვილის საბავშო კუთხე პატარებსაც ეპატიჟება და მათ სპეციალურ გასართობ პროგრამას სთავაზობს. გაიმართება თეატრალიზებული მეჯლისი დისნეის გმირების მონაწილეობით, მოეწყობა თამაშები, გამოცანები, ფოტოსესიები.
