ჯანდაცვის მინისტრობის კანდიდატი ზურაბ ჭიაბერაშვილი ჯანდაცვის ხელმისაწვდომობის მიღწევას კერძო სექტორთან თანამშრომლობით გეგმავს.
როგორც მან საპარლამენტო უმრავლესობასთან შეხვედრის შემდეგ, მოსახლეობისთვის ჯანდაცვის ხელმისაწვდომობის უზრუნველყოფასთან დაკავშირებით დასმულ კითხვაზე განაცხადა, მთავრობა მომსახურების ხარისხს სერიოზულად გააკონტროლებს.
"მაგალითად, მოქალაქეს აქვს გარკვეული პრობლემები ჯანმრთელობასთან დაკავშირებით და მივიდა ჰოსპიტალში, ან აქვს სადაზღვევო პოლისი და მივიდა კომპანიაში, რომ გაარკვიოს ეს საკითხი. ჩვენი ამოცანა არის, რომ იმ შემთხვევაში, თუ მოქალაქეს ექნება პრობლემა, ჩავერიოთ ეფექტურად. ანუ ჩვენ ვაცხადებთ, რომ სრულად მზადა ვართ თანამშრომლობისთვის კერძო სექტორთან და ასეც ხდება. ბუნებრივია, კერძო სექტორი ვერ განვითარდებოდა ასე ეფექტურად, სახელმწიფოსგან რომ არ იყოს გვერდში დგომა, მაგრამ იმავდროულად, როცა ჩვენ ვამბობთ, რომ მოქალაქეს არ უნდა შეექმნას პრობლემა, ეს ნიშნავს, რომ ხარისხს გავაკონტროლებთ სერიოზულად. ეს ნიშნავს, რომ ყვალა ცალკეულ შემთხვევაზე მოვახდენთ რეაგირებას. თუ ვნახავთ, რომ ვიღაც თავის საქმეს კარგად არ აკეთებს, იქნება მყისიერი რეაგირება, თუ დავინახავთ, რომ პრობლემას სისტემური მიდგომა სჭირდება, ბუნებრივია მთავრობის ამოცანა იქნება რეაგირება'', - აღნიშნა ჭიაბერაშვილმა.
შრომის, ჯანმრთელობისა და სოციალური დაცვის მინისტრი ანდრია ურუშაძე საქართველოს საგანგებო და სრულუფლებიანი ელჩმა შვეიცარიასა და ლიხტენშტეინში, ზურაბ ჭიაბერაშვილმა შეცვალა.
მთავრობის განახლებულ კაბინეტს პარლამენტი 20 მარტს დაამტკიცებს.
