15 მარტს, საქართველოს იუსტიციის სამინისტროში ნარკომანისათან ბრძოლის უწყებათაშორისი საკოორდინაციო საბჭოს პირველი სხდომა გაიმართა.
სხდომას ესწრებოდნენ საკოორდინაციო საბჭოში შემავალი სხვადასხვა უწყების წარმომადგენლები, მათ შორის საქართველოს იუსტიციის მინისტრი ზურაბ ადეიშვილი, იუსტიციის მინისტრის პირველი მოადგილე თინა ბურჯალიანი, საქართველოს სასჯელაღსრულების, პრობაციისა და იურიდიული დახმარების საკითხთა მინისტრის მოადგილე გიორგი არსოშვილი, საქართველოს შინაგან საქმეთა მინისტრის მოადგილე ზაზა გოგავა, საქართველოს მთავარი პროკურორი მურთაზ ზოდელავა, საქართველოს შრომის, ჯანმრთელობისა და სოციალური დაცვის მინისტრი ალექსანდრე ურუშაზე და სხვები.
საბჭოს სხდომას აგრეთვე ესწრებოდნენ მოწვეული წევრები არასამთავრობო ორგანიზაციიდან - გაეროს ბავშვთა ფონდი, ევროკავშირის წარმომადგენლობა საქართველოში, ევროპის საბჭოს ოფისი საქართველოში. მონაწილეთა შორის იყვნენ ასევე ამერიკის შეერთებული შტატების საელჩოს და ამერიკის შეერთებული შტატების საერთაშორისო განვითარების სააგენტოს მისიის წარმომადგენლები საქართველოში.
საქართველოს მთავარი პროკურორის პირველმა მოადგილემ დავით საყვარელიძემ მოწვეულ სტუმრებს ნარკოდანაშაულის არსებული მდგომარეობის შესახებ პრეზენტაცია წარუდგინა და პარლამენტში შეტანილსაკანონმდებლო ინიციატივებზე ისაუბრა.
სხდომაზე აგრეთვე განიხილეს ნარკომანიასთან ბრძოლის სახელმწიფო სტრატეგია და სამოქმედო გეგმა, განისაზღვრა სამუშაო ჯგუფების შემადგენლობა,რომლებიც სამომავლო სამოქმედო გეგმებზე ერტობლივად იმუშავებენ.