დღეს, დიდმარხვის მეორე კვირიაკეს, მართლმადიდებელი ეკლესია "სინათლის მქმნელთა მარხვათა" აღინიშნავს.
ტაძრებში წირვაზე სახარებიდან ის ადგილი იკითხება, სადაც უფალი ერთ-ერთ სახლში განრღვეულს განკურნავს, რომელიც სახურავიდან ჩაუშვეს.
სამების საკათედრო ტაძარში სრულიად საქართველოს კათოლიკოს-პატრიარქმა , უწმინდესმა და უნეტარესმა, ილია მეორემ საკვირაო ქადაგებაში ცოდვაზე ისაუბრა.
პატრიარქმა განმარტა თუ რა არის ყველაზე რთული ცხოვრებაში.
"ხშირად ადამიანი ეკითხება თავის თავს, რა არის ყველაზე ძნელი, ყველაზე რთული ცხოვრებაში. ყველაზე რთული არის ის, რომ ჩვენ ვერ შევიცანით საკუთარი თავი, ვერ გავიცანით, ვინ ვართ ჩვენ. ჩვენ ვხედავთ ჩვენს თვისებებს, ჩვენს ნაკლს, მაგრამ საიდან მოდის ეს, არ ვიცით", - აღნიშნა ილიამ მეორემ და დასძინა, " ჩვენ ვხედავთ დაცემას, მაგრამ ეს უცბად არ ხდება. ეს მთელი პროცესია. წმინდა მამები ამბობდნენ, რომ პირველად ცოდვა შედის ადამიანის თვალში, შემდეგ იქვე თუ არ გადაეღობე, გადადის გულში, მერე მთელს სხეულში და უკვე გვიანია".
ილია II-ის თქმით, ადამიანი სუსტია ცხოვრებაში, სიკეთის კეთებაში, ბოროტების კეთებაში კი უფრო მარჯვეა.
"ის ცოდვა, რომელიც იყო დაშვებული ადამისა და ევას მიერ, ძლიერი ბეჭედივით დაესვა ადამიანის გონებასა და გულს", - განაცხადა პატრიარქმა.
პატრიარქმა ისურვა. რომ ყველა ადამიანი იყოს "მატარებელი ღვთის ნათელისა".
