გამოცდების ეროვნული ცენტრის მიერ აბიტურიენტებისა და მაგისტრანტობის კანდიდატებისთვის გარკვეული მომსახურება ფასიანი გახდება. აღნიშნულთან დაკავშირებით "უმაღლესი განათლების შესახებ" კანონში ცვლილებები პარლამენტმა დღეს მესამე მოსმენაზე დაამტკიცა.
მიღებული გადაწყვეტილებით, გამოცდების ეროვნული ცენტრის მიერ გაწეული მომსახურებისთვის დადგინდება საფასური, რომლის ოდენობასა და გადახდის წესს განათლებისა და მეცნიერების მინისტრი განსაზღვრავს.
როგორც ცვლილებების ავტორები განმარტავენ, ხშირად გამოცდების მომზადების და შემდგომ პერიოდში აბიტურიენტებს, მაგისტრანტობის კანდიდატებს და სხვა პირებს შემჭიდროებულ ვადებში ესაჭიროებათ გამოცდების ეროვნული ცენტრიდან დამადასტურებელი დოკუმენტი, რომ არიან აბიტურიენტები ან მაგისტრანტები ან სხვა ინფორმაცია.
გამოცდების ეროვნული ცენტრი აღნიშნულ დოკუმენტებს გასცემს მოქმედი კანონმდებლობით დადგენილი ვადების დაცვით, თუმცა ეს იწვევს დაინტერესებული პირების უკმაყოფილებას.
თავიდან მოსახლეობის უკმაყოფილება რომ აიცილონ, პარლამენტში მიზანშეწონილად მიიჩნიათ გამოცდების ეროვნული ცენტრის მიერ შეზღუდულ ვადებში მომსახურების გაწევისთვის საფასური დადგენა.
