მიმართვა, რომლითაც საქართველოს პრეზიდენტი მიხეილ სააკაშვილი უმაღლესი საკანონმდებლო ორგანოს წინაშე წარსდგება მოიცავს პრაქტიკულად ყველა სფეროს, როემლიც ქართულ საზოგადოებას აინტერესებს, -ამის შესახებ დღეს გამართულ ტრადიციულ ბრიფინგზე საქართველოს პრეზიდენტის პრესსპიკერმა მანანა მანჯგალაძემ განაცხადა.
მისი თქმით, გაჟღერდება ახალი ინიციატივები ხალხისა და ქვეყნის წინაშე მდგარი გამოწვევების საპასუხოდ.
"ინიციატივები ეხება ისეთ პრობლემებსა და გამოწვევებს, რომელიც არსებობს დასაქმების სფეროში, სოფლის მეურნეობაში, განათლებისა და ჯანდაცვის სფერობში. ასევე პრეზიდენტის გამოსვლის ერთ-ერთი მთავარი თემა იქნება უსაფრთხოების საკითხები", - განაცხადა მანჯგალაძემ.
მისი თქმით, პრეზიდენტი ასევე ისაუბრებს 2012 წლის საპარლამენტო არჩევნების შესახებაც.
"2012 წელი საპარლამენტო არჩევნების წელია და არჩევნების სამართლიანად ჩატარების უზრუნველყოფა პრეზიდენტის მოხსენების ერთ-ერთი მთავარი თემა იქნება", - განაცხადა მანჯგალაძერმ და აღნიშნა, რომ გაჟღერდება სხვა თემებიც რომელიც იწვევს საზოგადოების დიდ ინტერესს.
მანჯგალაძის თქმით, საინტერესოა ისიც რომ ეს არის პრეზიდენტის ბოლო მიმართვა საკანონმდებლო ორგანოს წინაშე, რომელიც პარლამენტის ამ შენობაში გაკეთდება.
მანჯგალაძისვე თქმით, პრეზიდენტს შესაძლებლობა ექნება პასუხი გასცეს იმ კითხვებზეც რომელიც დეპუტატების მხრიდან დაისმევა.
"პრეზიდენტის გამოსვლასთან ერთად იქნება გამოსვლები როგორც უმრავლესობის, ასევე უმცირესობის მხრიდან. ვფიქრობ, საინტერესო და საქმიანი დისკუსიის მომსწრენი გავხდებით. პერზიდენტს მოგვაინებთ შესაძლებლობა ექნება უპასუხოს დეპუტატების მიერ დასმულ შეკითხვებს", - განაცხადა მანჯგალაძემ.
მისი ინფორმაციით, პრეზიდენტის გამოსვლის ტექსტი 25-გვერდიანია და სავარაუდოდ 50 წუთის განმავლობაში გაგრძელდება.
შეგახსენებთ, რომ საქრათველოს პრეზიდენტი მიხეილ სააკასვილი საკანონმდებლო ორგანოში ყოველწიური მოხსენებით დღეს საღამოს 20:00 საათზე წარსდგება.