საქართველოს პრეზიდენტის მიხეილ სააკაშვილის პარლამენტიში გამოსვლის შემდეგ პოლიტიკური დებატების გამართვას დეპუტატებმა ერთხმად, 88 ხმით 0-ს წინააღმდეგ დაუჭირეს მხარი. აღნიშნული საკითხი დღეს, პარლამენტის პლენარულ სხდომაზე კენჭი ფრაქცია „ქრისტიან-დემოკრატების" განცხადების საფუძველზე უყარეს.
პარლამენტის თავმჯდომარის, დავით ბაქრაძის ინფორმაციით, სააკშვილის გამოსვლის შემდეგ ორსაათინი შესვენება არ გამოცხადდება და დებატები ტექნიკური შესვენების შემდეგ გაგრძელდება.
აღსანიშნავია, რომ საპარლამენტო ფრაქცია „ერთობა სამართლიანობის" თავმჯდომარე დიმიტრი ლორთქიფანიძე პრეზიდენტის წლიური ანგარიშის შემდეგ სხდომის გაგარძელებას რეგლამენტის 194-ე მუხლის თანახმად ითხოვდა.
თუმცა, საპარლამენტო უმრავლესობამ და უმცირესობამ მხარი პოლიტიკური დებატებს დაუჭირეს, რომელსაც რეგლამენტის 138-ე მუხლის მეორე ნაწილი არეგულირებს.
რეგლამენტის თანამხად, პოლიტიკურ დებატებში გამოსვლებისათვის უმრავლესობასა და უმცირესობას ეძლევა თითოეულს 45 წუთი, ფრაქციასა და პარლამენტის თავმჯდომარეს (სხდომის თავმჯდომარეს) - თითოეულს 15 წუთი, პარლამენტის თავმჯდომარის მოადგილეს - 10 წუთი, პარლამენტის წევრს, რომელიც არ არის გაერთიანებული არც ერთ ფრაქციაში, - 5 წუთი. ფრაქცია, უმრავლესობა და უმცირესობა მათთვის გამოყოფილი დროის ფარგლებში განსაზღვრავენ გამომსვლელთა რაოდენობასა და მათზე დროის გადანაწილების სქემას. პოლიტიკურ დებატებში გამომსვლელთათვის გამოყოფილი დროის გაზრდა დაუშვებელია.