პარლამენტში მოსამზადებელი სამუშაოები მიმდინარეობს. საკონონმდებლო ორგანოს აპარატის თანამშრომლები სხდომათა დარბაზს პრეზიდენტის დასახვედრად ამზადებენ.
შემოწმებულია ტექნიკა და ხმის გამაძლიერებელი აპარატურა. დარბაზში მოწვეული სტუმრებისთვის და მთავრობის წარმომადგენლებისთვის დამატებითი ადგილებია გამოყოფილი.
თბილისში ეს პრეზიდენტის ბოლო წლიური ანგარიში იქნება. შემდეგი მოხსენებით მიხეილ სააკაშვილი ქუთაისში, პარლამენტის ახალ შენობაში წარდგება.
საქართველოს პრეზიდენტი საკანონმდებლო ორგანოში დღეს 20 საათზე მივა. პრეზიდენტი პარლამენტარების წინაშე ყოველწლიური ანგარიშით წარდგება.
მიხეილ სააკაშვილი თავის გამოსვლაში ეკონომიკურ განვითარებაზე, დასაქმებაზე, სოფლის მეურნეობაზე, ჯანდაცვაზე და უსაფრთხოების საკითხებზე გაამახვილებს ყურადღებას. გამოსვლის შემდეგ კი პოლიტიკური დებატები გაიმართება.