ბათუმში ეუთოს ეკონომიკური ფორუმი გაიმართება. ამის შესახებ ჟურნალისტებს საპარლამენტო უმრავლესობის წევრმა, ვიცე-სპიკერმა გიგი წერეთელმა განუცხადა.
მისი თქმით, ქართულმა მხარემ ეუთოს, როგორც საპარლამენტო ასამბლეის ხელმძღვანელობასთან, ასევე მის გენერალურ მდივანთან, გამართა შეხვედრები, რის შემდეგაც გადაწყდა, რომ ეკონომიკურ ფორუმს საქართველო უმასპინძლებს.
წერეთლის ინფორმაციით, ეუთოს ეკონომიკური ფორუმი ბათუმში მიმდინარე წლის 11-14 მაისს გაიმართება და მას გაეროს წევრი 55 ქვეყნის დელეგაცია დაესწრება.
"საქართველო შეირჩა იმ ნიშნით, რომ ბოლო წლების განმავლობაში დინამიკური რეფორმები ხორცილდება, მით უმეტეს, რომ ჩვენ მოვახერხეთ ომის, ინტერვენციისა და ოკუპაციის პირობებში განვითარებას", - აღნიშნა ვიცე-სპიკერმა.
მისი თქმით, ამ მასშტაბის ღონისძიება საქართველოში ჯერ არ ჩატარებულა.