"ქართული ოცნება" საქართველოს დამოუკიდებლობისა და თავისუფლებისთვის ბრძოლაში დაღუპულ ქართველებს პატივს მიაგებს. კოალიცია „ქართული ოცნება" პატივს მიაგებს საქართველოს დამოუკიდებლობისა და თავისუფლებისათვის ბრძოლაში დაღუპულ ყველა ქართველს.
"პატივს განსაკუთრებით მივაგებთ ქართველ იუნკერებს, ახალგაზრდებს, რომელთაც სისხლის ბოლო წვეთამდე იბრძოლეს სამშობლოს წითელი ოკუპაციისგან გადასარჩენად. 91 წლის წინათ საქართველომ დამოუკიდებლობა დაკარგა, მაგრამ მრავალი თაობის ქართველთა თავგანწირვას უკვალოდ არ ჩაუვლია. საქართველოს დამოუკიდებლობის სამი წლის პირმშოა საქართველოს კონსტიტუცია, რომელიც 70-წლიანი ინტერვალის შემდეგ გახდა საქართველოს სახელმწიფოებრიობისა და სუვერენიტეტის აღდგენის საფუძველი", - აღნიშნულია კოალიციის განცხადებაში.
"ქართული ოცნება" ყველეფარს გააკეთებს იმ საქმის გასაგრძელებლად, რაზეც საქართველოს დამოუკიდებლობისთვის და თავისუფლებისთვის ბრძოლაში დაღუპული გმირები ოცნებობდნენ.
