950 ათასი ლარია და მისი გასხვისება 27 თებერვლისთვის ჩანიშნულ ელექტრონულ აუქციონზეა დაგეგმილი.

მყიდველი ვალდებულია საპრივატიზებო საფასურის 30%-ი ელექტრონული აუქციონის დასრულებიდან 30 კალენდარული დღის ვადაში გადაიხადოს. ხოლო დარჩენილი 70%-ის გადახდა პირველ დეკემბრამდე უზრუნველყოს.

მყიდველი ვალდებულია ასევე საპრივატიზებო ობიექტი სამედიცინო პროფილით 2012 წლის 1 მაისიდან შემდგომი 7 წლის განმავლობაში აფუნქციონიროს. ასევე უზრუნველყოს სამედიცინო პერსონალის (ექიმების და ექთნების), სულ მცირე, ერთი თვის ვადით დასაქმება, დასაქმების მომენტისთვის მათი პოზიციებისა და ანაზღაურების არსებული პირობების შენარჩუნებით და წლიური საშუალო ხელფასის გათვალისწინებით;

აღსანიშნავია, რომ „,თბილისის ცენტრალური საავადმყოფოს" კაპიტალი 1 მლნ. 676 ათას 638 ლარადაა განსაზღვრული, დებიტორული დავალიანება 25.01.2012 წლის მდგომარეობით 33 687 ლარია, ხოლო კრედიტორული დავალიანება 1.12.2011 წლის მდგომარეობით 871 140 ლარი;

მეწარმეთა და არასამეწარმეო (არაკომერციული) იურიდიული პირების რეესტრის, ასევე ძირითადი ქონების საჯარო რეესტრის ამონაწერებში დაფიქსირებული საგადასახადო გირავნობა/იპოთეკა წარმოშობილია ბიუჯეტის მიმართ არსებული ჯამური დავალიანების გამო, ამასთან, მყიდველს საპრივატიზებო ობიექტი შესაბამისი ნასყიდობის ხელშეკრულების გაფორმების თარიღისათვის გადაეცემა საგადასახადო დავალიანების გარეშე. ასევე სს ,,თელასთნ" მიღწეული შეთანხმების თანახმად, 434 851 ლარის დავალიანების დაფარვა შესაძლებელია 2012 წლის პირველი აპრილიდან შემდგომი 5 წლის განმავლობაში.