საქართველოდან ექსპორტირებული ბამბუკის მოცულობა 2,4-ჯერ შემცირდა. როგორც სააგენტო "ჯი-ეიჩ-ენს" "საქსტატში" განუცხადეს, 2011 წელს საქართველოდან 82,2 ტონა ბამბუკის ექსპორტი განხორციელდა, მაშინ, როდესაც 2010 წელს საქართველოდან 199,7 ტონა ბამბუკია ექსპორტირებული.
"საქსტატის" ინფორმაციით, 2011 წელს საქართველოდან 29,9 ათასი დოლარის ბამბუკია ექსპორტირებული, ხოლო 2010 წელს კი 72,6 ათასი დოლარის.
2011 წელს ბამბუკის ექსპორტი მხოლოდ აზერბაიჯანსა და უკრაინაში განხორციელდა, ხოლო 2010 წელს აზერბაიჯანისა და უკრაინის გარდა, ბელორუსში, გერმანიასა და თურქეთში.
