სატრანსპორტო საშუალებების მოძრაობის გაუმჯობესების, ქუჩების გამტარუნარიანობის გაზრდის, სატრანსპორტო საცობების თავიდან აცილებისა და საგზაო მოძრაობის უსაფრთხოების გაზრდის მიზნით, ძველი თბილისის რაიონის რამოდენიმე ქუჩაზე საგზაო მოძრაობის ორგანიზაცია იცვლება. კერძოდ, წინამძღვრიშვილის ქუჩის მონაკვეთზე - კონსტიტუციის ქუჩიდან ტოლსტოის ქუჩამდე ამჟამად არსებული მოძრაობის მიმართულება შეიცვლება საწინააღმდეგო მიმართულებით - ტრანსპორტი იმოძრავებს ცალმხრივად კონსტიტუციის ქუჩიდან ტოლსტოის ქუჩის მიმართულებით.
ივანე ჯავახიშვილის ქუჩაზე ამჟამად არსებული ორმხრივი მოძრაობის მაგივრად დაწესდება ცალმხრივი მოძრაობა ხეთაგუროვის ქუჩიდან კონსტიტუციის ქუჩის მიმართულებით, ხოლო კლდიაშვილის ქუჩაზე არსებული ცალმხრივი მოძრაობა შეიცვლება ორმხრივი მოძრაობით.
ბაქოს ქუჩაზე შებრუნდება ტრანსპორტის მოძრაობა წინამძღვრიშვილის ქუჩიდან დავით აღმაშენებლის გამზირის მიმართულებით, ხოლო კარგარეთელის ქუჩაზე დაწესდება ცალმხრივი მოძრაობა დავით აღმაშენებლის გამზირიდან წინამძღვრიშვილის ქუჩის მიმართულებით.
აღსანიშნავია, რომ ყველა ზემოთ ჩამოთვლილი ქუჩების ერთ მხარეს მოეწყობა სატრანსპორტო საშუალებების პარკინგი შესაბამისი საგზაო ნიშნებით და საგზაო მონიშვნებით.
საგზაო მოძრაობის ორგანიზაციის შეცვლასთან დაკავშირებით ყველა ქუჩაზე დამონტაჟდება ახალი საგზაო ნიშნები.
