თბილისის საკრებულო უფლებამოსილი ხდება, ქონების პრივატიზება სანაცვლო ქონების მიღებით მოახდინოს. აღნიშნულთან დაკავშირებით "ადგილობრივი თვითმმართველი ერთეულის შესახებ კანონს" ახალი მუხლი ემატება.
ცვლილებების თანახმად, თბილისის თვითმმართველი ერთეულის ქონების პირდაპირი მიყიდვის ფორმით პრივატიზებისას საპრივატიზებო ფასის გადახდის ნაცვლად შესაძლებელია მოხდეს სანაცვლო ქონების გადაცემა. ქონების ღირებულება კი ლევან სამხარაულის სახელობის სასამართლო ექპერტიზის ეროვნული ბიუროს დასკვნის საფუძველზე დგინდება.
საკრებულო უფლებამოსილია საკრებულოს თავმჯდომარის წარდგინების საფუძველზე მიიღოს გადაწვეტილება თვითმმართველი ერთეულის საკუთრებაში არსებული მოძრავი ქონების, აქციებისა და წილების სახელმწიფოსთვის, აფხაზეთის ან აჭარის ავტონომიური რესპუბლიკის და ადგილობრივი თვითმმართველი ერთეულებისთვის საკუთრებაში უსასყიდლოდ გადაცემის შესახებ.
